ငယ်ငယ်တုန်းက ကလေးလေးတွေပေါ့

ကျွန်တော့ရဲ့အသက်တစ်ဆယ့်ခြောက်နှစ်တုန်းကပေါ့ ရည်းစားစထားဖြစ်တယ်။ ပထမဆုံးရည်းစားဆိုတော့ အရူးအမူးပဲပေါ့နော့။ ချစ်သူက ဖုန်းဆက်ရင်းပြောတယ်....။ လာမယ့် စနေနေ့ သူတို့အိမ်မှာ ဘယ်သူမှ မရှိကြဘူးတဲ့......။ကျွန်တော်က လူရိုး ဟုတ်တယ်ပါးစပ်ထဲလက်ထဲ့ရင်တောင် မကိုက်တတ်ဘူး။ ငုံထားတတ်တာ။ အထာပေါ့လေ အထာ။
ဖုန်းဆက်တုန်းကတော့ မတွေးမိပါဘူး။ ညပိုင်းရောက်မှ ပြန်စဉ်းစားမိတယ်။ ကျွန်တော်သေသေချာချာ စဉ်းစားတယ်.....။ဟာ ပေါက်ပြီ ပေါက်ပြီ တယ်နုံတဲ့ငါပဲ ငါ့ချစ်သူလေးက ဒီလိုအထာတွေပေးနေတာတောင် မပေါက်တဲ့ငါဆိုပြီး ကိုယ့်ပါးကိုယ်တောင်ပြန်ရိုက်ခြင်မိတယ်။ဒါ သူ့အိမ်မှာဘယ်သူမှမရှိခင် ငါ့ကိုနှစ်ယောက်တည်းတွေ့ဖို့ ခေါ်လိုက်တာပဲ။ ရေရေလည်လည် ရင်ခုန်သွားတယ်။
ဪ တော်လိုက်တဲ့ချစ်သူလေးပေါ့။(သူ့အမေသိရင် လိမ်မာလွန်းလို့ ချစ်သွားမယ်) ဒါပေမဲ့ပြန်စဉ်းစားလိုက်တယ်။ ငါဘာမှမပြင်ဆင်ရသေးပါလားပေါ့။အဲ့ဒါနဲ့ အွန်လိုင်းကနေ လိင်ပညာပေးတွေရှာဖတ်။ မနက်တိုင်း နွားနို့နဲ့ငှက်ပျောသီးတွေစား။ (အားရှိမှဖြစ်မယ်လေ။ဒါမှ ရေလည်အစွမ်းပြလို့ရမှာပေါ့) ဒါတင်မကသေးဘူး မနက်တိုင်းလည်း ထပြေးပေါ့(သက်လုံကောင်းအောင်လေ အမောခံနှိုင်အောင်) ပြီးတော့ မားသားကြီးကို ဖားသားကြီးက ဘယ်လိုနမ်းတယ်ဆိုတာ အပြတ်ခြောင်းကြည့်။ အယ် ရှက်စရာတွေ။ ချစ်သူလေးနဲ့တွေ့တော့ ဒီအကြောင်းတောင် စကားမဟဘူး။သူရှက်မှာစိုးလို့ပါ။ ဟုတ်တယ် သူကအရမ်းရှက်တတ်တာ။ အေးလေ သူလည်းကိုယ့်လိုရင်တွေခုန်နေမှာပဲ။ ပြင်ဆင်နေမှာပဲ။နားလည်ပေးရမှာပေါ့။
အဲ့ဒီနေ့အတွက်ရင်ခုန်လွန်းလို့ ညဘက်ဆိုအိပ်လို့တောင်မပျော်ဘူး။ (အမေရေ အမေ့သားတော့ ချစ်သူလေးကောင်းမှူ့ကြောင်အိုရခြည် သေးရဲ့။) ပြီးတော့ ကျောင်းမှာလည်း အဲ့ဒီအကြောင်းတွေးမိရင် ရှက်လွန်းလို့ မျက်နှာနီပြီး(ရှက်သွေးတွေဖြာပြီး) ရယ်လို့ သူငယ်ချင်းတွေကတောင် မေးသေးတယ်။ လာမမေးနဲ့ ဒါမျိုးကို အသေသာခံသွားမယ်လုံးဝမပြောဘူး။ ဟုတ်တယ် လုံးဝပေါက်ကြားလို့ မရဘူး။ အရေးကြီးတယ်။
ဒီလိုနဲ့ စနေနေ့မနက်ရောက်လာတယ်။ သန့်ရှင်းအောင်ဆိုပြီး တညလုံး ရေတွေနင်းကန်ချိုးထားလို့ လူကအအေးမိပြီးဖျားခြင်နေတယ်။
ရတယ် ပြသနာမရှိပါ။ အဓိကက အဓိကပဲလေ။ ဘာဝတ်သွားရင်ကောင်းမလည်း မသိ???? စဉ်းစားရပြန်ပြီ အေးလေနောက်ဆုံး ချွတ်ရမှာပဲဆိုပြီး ဂျင်းဘောင်းဘီအနက်မလေးနဲ့တီရှပ်ကလေးပဲဝတ်သွားလိုက်တယ်။(အမေကတော့ပြောပါတယ် ချောပြီးသားပါတဲ့)
ရင်တွေက အရမ်းခုန်နေတယ်။ ငါလူပျိုဘဝကို ချစ်သူလေးဆီပေးလိုက်တော့မယ်လို့ ဆုံးဖြတ်လိုက်တယ်။ (ကိုယ်ပဲ အနစ်နာခံလိုက်ပါမယ်။)
ဪ သွားခါနီးခေါင်းလိမ်းဆီတွေကိုရွှဲနေအောင်လိမ်းလိုက်တယ်၊ပြီးတော့ မှန်ကြည့်လိုက်တယ်။ ဟာ ငါအရမ်းကိုချောနေပေါ့။

ချစ်သူလေးရဲ့ အိမ်ရှေ့ရောက်တော့ ရင်တွေအရမ်းခုန်နေတယ်။ ဒါပေမဲ့ စဉ်းစားလိုက်တယ်(ဒီဟာမျိုးကသူရောကိုယ်ရောကောင်းဖို့အတွက်ပဲပေါ့။) ပြီးတော့ ဆုံးဖြတ်လိုက်တယ်....။စနေနေ့မှာ ကျွန်တော် ချစ်သူရဲ့ အိမ်ကို ရောက်အောင်သွားခဲ့ပါတယ်....။
ချစ်သူပြောခဲ့သလိုပါပဲ.... သူတို့အိမ်မှာ ဘယ်သူမှ မရှိကြဘူး..... တံခါးပေါက်မှာ သော့အကြီးကြီးခတ်လို့ပေါ...
အခုမှသဘောပေါက်သွားတော့တယ်။
"ဪ ချစ်သူလေးကတော့ပြောသားပဲ စနေနေ့အိမ်မှာဘယ်သူမှ မရှိပါဘူးလို့။"
tarkarshi.sarko@gmail.com

ဟိုးအဝေးမှာ ချစ်သူရဲ့အိမ်ကလေးရှိတယ်။

လေယဉ်ပေါ်ကအဆင်း မြန်မာပြည်ရဲ့အတွေ့အထိကလူကို နွေးထွေးသွားစေတယ်။ ပြီးတော့ အိမ်ကလာကြိုတဲ့ကားဆီလျှောက်လာမိတယ်။
လမ်းတစ်လျှောက်ရှူ့ခင်းတွေက စင်ကာပူနဲ့မတူထူးဆန်းနေတယ်။
ကိုယ်တို့ရဲ့အိမ်ကိုအသွား လမ်းမှာရပ်ပြီး သိလိုသမျှတွေကို ဒရိုင်ဘာအန်ကယ်ကြီးကိုမေးကြည့်ခဲ့တယ်။
အိမ်နားအရောက် အိမ်ဘေးမှာချစ်စရာကောင်းတဲ့အိမ်ကလေး တစ်လုံးကိုတွေ့လိုက်တယ်။အိမ်ရှေ့မှာက ကောင်လေးတစ်ယောက် တံမျက်စည်းလှည်းနေတယ်။ကိုယ့်ကိုယ်မြင်တော့ ပြုံးပြီးလက်ပြလိုက်တယ်။
ကချင်ပုဆိုးအကွက်ကလေးနဲ့လည်ကတုံးကလေးနဲ့သူ့ပုံက ကိုယ့်အတွက်တော့အဆန်းပဲဒီလိုနဲ့ ကိုယ်သူ့ကို စိတ်ထဲကနာမည်ပေးလိုက်တယ် "ချစ်သူ" လို့။

ကျောက်စရစ်ခဲလေးတွေ ခင်းတဲ့ လမ်းလေးထဲမှာ ချစ်သူရဲ့အိမ်လေး ရှိတယ်။ အဲဒီ လမ်းလေး တစ်ဖက်တစ်ချက်မှာတော့ ၀ါးရုံပင်တန်းလေးတွေ။ ညနေစောင်းပြီဆိုရင် ချစ်သူနေတဲ့ လမ်းလေးထိပ်က
ပုဇွန်ကွက်ကျော်သုတ်ဆိုင်၊ လ္ဘက်ရည်ဆိုင်၊ ကြံရည်ဆိုင်လေးတွေမှာ လူစည်ကားတတ်တယ် ။
မီးရောင်လဲ့လဲ့ စာအုပ်အငှားဆိုင်လေးတွေ၊ ဆိုက်ကားသံတွေနဲ့လဲ အသက်ဝင်နေတယ်။ ဒါပေမယ့် ချစ်သူနေတဲ့ လမ်းလေးထဲမှာကတော့ လူခြေတိတ်ဆိတ်နေတတ်တယ်။

ချစ်သူရဲ့ အိမ်ပတ်ပတ်လည်မှာ သရက်ပင်တွေ၊ မန်ကျည်းပင်တွေ တန်းစီနေတယ် ။ တစ်ခါတစ်ရံ သရက်ကင်းလေးတွေက လမ်းလေးပေါ်ကို ကျနေတတ်တယ်၊ ပြူတင်းပေါက် ဖြူဖြူလေးတွေမှာ ကန့်လန့်ကာ အပြာလေးက လေမှာ လွင့်နေတတ်တယ်။ ခြံဝင်းလေးကတော့ သစ်ရွက်တွေ ကင်းစင်လို့ အမြဲတမ်း ပြောင်စင်နေတတ်တယ်။ ခြံလေးရဲ့ထောင့်မှာ အရိပ်ကောင်းတဲ့ ရေတွင်းလေးနဲ့  တွဲရရွဲကျနေတဲ့ သစ်ခွပန်းတွေရှိတယ်၊

ညနေစောင်းတွေမှာ ခြံဝင်းလေးထဲမှာ တစ်ခါတစ်ရံ ချစ်သူ တံမြက်စည်းလှဲနေတာကို ပုဏ္ဍရိတ်ပင်တွေကြားက မြင်ရတတ်တယ်။ ချစ်သူကို ချစ်မိသွားတဲ့ အကြောင်းတွေထဲမှာ အဲဒါတစ်ခုလဲပါတယ်။ တစ်ခါတစ်ရံ တံမြက်စည်း လှဲပြီးသား သစ်ရွက်ခြောက် လေးတွေကို မီးရှို့နေလို့  မီးခိုးငွေ့တွေ ဟိုးဝါးရုံပင်ထိပ်ဖျားကို လွင့်တက် သွားတယ်။

မိုးအုံ့နေတဲ့ ညနေလေး တစ်ခုမှာတော့ ချစ်သူခြံဝမှာထွက်ရပ်နေတယ်။ သူငယ်ချင်ရဲ့ နောက်မှာ ပုန်းကွယ်ရင်း နောက်ပြန်လှည့်ကြရင်ကောင်းမလားလို့ ချီတုံခြတုံ ဖြစ်နေခဲ့တယ်။ ကချင် ပုဆိုးကွက်နဲ့ ချစ်သူက ခေါင်းငုံ့ပြီး မြေပေါ်ကတစ်စုံတစ်ရာကို(ဒါမှမဟုတ်) ဘာမှမရှိတာကို ဖိနပ်ဦးနဲ့ တို့ကစားနေတယ်။ ကိုယ်ချစ်တဲ့လူ တစ်ယောက်ရှေ့က ဖြတ်လျှောက်ရတာ တော်တော်ခက်တဲ့ အလုပ်တစ်ခုဆိုတာ အဲဒီနေ့က သိခဲ့ရတယ်။ ချစ်သူရဲ့မျက်လုံးက အားလုံးထဲမှာမှ ကိုယ့်ဆီရောက်လာတယ်။ ရိုလ်းနံပါတ် နှစ်မဟုတ်လားတဲ့၊ ကျွန်တော် “ သော်ဇင်ဟိန်း” ပါတဲ့၊ ဒါ ကျွန်တော့အိမ်ပါတဲ့၊ တစ်ခါ ခေါင်းထပ်ငြိ်မ့် ပြန်တယ်။ အားတဲ့အခါ လဲလာလည်နိုင်ပါတယ်တဲ့။ ခေါင်းတွေ ငြိမ့်ပြန်ရော။ အဲဒီညနေက ခေါင်းငြိမ့်တဲ့ အလုပ်နဲ့ပဲ ပြီးသွားကြတယ်။

နောက်ပိုင်းသိလာရတာကချစ်သူဟာ အင်မတန်ဖြူစင်တယ်။ သူနားမလည်တဲ့ စာတွေဆိုကိုယ့်ဆီလာရှင်းပြခိုင်းတယ်။
ပြီးတော့ကိုယ်က ဘာသာပြန်ဖတ်ပြရင် နားထောင်နေတဲ့ပုံက ချစ်စရာကောင်းတယ်။
ပြီးတော့ တခါတလေ ကော်ဖီခါးခါးကိုမှသောက်တတ်တဲ့ကိုယ့်ကို စိတ်ပူပေးတတ်တယ်။
ကိုယ်မသိခင်နို့နဲနဲပိုထည့်ပေးတတ်တယ်။ ချစ်သူရဲ့ဆံပင်ကခွေခွေကောက်ကောက်ကလေး။ ရယ်လိုက်ရင် သွားတက်ကလေးပေါ်လာတယ်။
ဒါ့ကြောင့် ချစ်သူဟာအင်မနချစ်ဖို့ကောင်းတယ်။
ကိုယ်ကဘတ်စကက်ဘောကစားတယ် ချစ်သူကတော့ ဘောလုံးပဲကန်တတ်တယ်။
သူက မြန်မာမိရိုးဖလာအကြောင်းရှင်းပြတတ်တယ် ကိုယ်ကလည်းအိပ်ငိုက်တတ်တယ်။
ပြီးတော့ ကိုယ်က အင်မတန်အရယ်သန်တယ် လူကြားသူကြားထဲမရှောင် အသကုန်အော်ရယ်တတ်တယ်။ချစ်သူကတော့ ပြင်ဖို့ပြောတယ်။
ပုဆိုးမဝတ်တတ်ခဲ့ဘူး ။သူကတော့အမြဲ ကချင်ပုဆိုးလေးအမြဲဝတ်တတ်တယ်။
ဒါပေမဲ့ မထင်မှတ်စွာ ကိုယ်တို့အရမ်းနီးစပ်ခဲ့တယ်။
မင်းက ခန်းနားလွန်းပါတယ်ကွာလို့ တခါတခါညည်းညူတတ်တယ်။

ချစ်သူအတွက် ကဗျာလေးတွေကို စပ်ဖူးတယ်။ ချစ်သူနဲ့ သူငယ်ချင်းတွေ ဖြစ်သွားပြီးတဲ့နောက် သူ့အတွက် စပ်ထားတဲ့ကဗျာတစ်ပုဒ်ကို ချစ်သူကို လက်ဆောင်အဖြစ် ပေးလိုက်ရတယ်။ ချစ်သူ စိတ်ဝင်စားနေတဲ့ အရပ်ပုပု ဆံပင်ရှည်ရှည်နဲ့ ကောင်မလေးကို ပေးဖို့အတွက်ပေါ့။ သူငယ်ချင်းတွေကတော့ နှစ်မျောတသနဲ့ မြည်တွန်တောက်တီး နေခဲ့ကြတယ်။

ဒီလိုနဲ့ဆုံးဖြတ်ခဲ့တယ် အဝေးဆုံးကိုထွက်သွားဖို့ပေါ့။ လေယာဉ်ကွင်းကို သူရောက်လာပါတယ်။
မျက်နှာတွေပျက် ခေါင်းငိုက်စိုက်ကြပြီးမေးတယ် ပြန်လာအုံးမှာလားတဲ့။
ကိုယ်ကဧည့်သည်ပါ အချိန်တန်တော့ ပြန်ရမှာပေါ့လို့ ဖြေလိုက်တယ်။

နှစ်တွေအကြာကြီးမှာ ချစ်သူရဲ့အိမ်လေးရှေ့ကို တစ်ခါပြန်ရောက်တယ်။ အရင်လိုပဲ သစ်ရွက်တွေ ရှင်းလင်းပြီးစ ခြံဝင်းလေးက သန့်ရှုင်းနေတယ်။ ချစ်သူကို တံမြက်စည်းလေးကိုင်လို့ တွေ့လိုက်ရတယ်။ ချစ်သူဘေးမှာ ဂါဝန်အ၀ါလေးနဲ့ ပါးဖောင်းဖောင်း ကလေးလေးတစ်ယောက်က သရက်သီးလေး ကိုင်လို့ ရပ်ကြည့်နေတယ်။ သစ်ရွက်ပုံလေး နားမှာတော့ အရပ်ပုပု ဆံပင်ကိုတပတ်လျှိုတွဲချထားတဲ့ မိန်းကလေးတစ်ယောက်။ ချစ်သူတို့  မိသားစု လုပ်လက်စ အလုပ်တွေကို ထားပြီး အိမ်ပေါ်မှာ သစ်သီးမျိုးစုံနဲ့ ဧည့်ခံကြတယ်။

ညမီးလေးတွေ လက်လာတော့ ခြံဝအထိ ချစ်သူက လိုက်ပို့တယ်။ နင့်ရဲ့ ကဗျာတစ်ပုဒ်အတွက် ကျေးဇူးတင်ပါတယ်လို့ ချစ်သူကပြောတယ်။ ညလေအတိုးမှာ ၀ါးရုံပင်တွေတရှဲရှဲမြည်သွားတယ်။
ချစ်သူအိမ်ကို ကျောခိုင်းလျှောက်နေပေမယ့် ချစ်သူကိုယ့်ကို ခြံဝက ရပ်ကြည့်နေဆဲပဲဆိုတာ သိနေခဲ့တယ်။

ဒါပေမယ့်လေ...ချစ်သူရှေ့မှာ လမ်းလျှောက်ရတာ သိပ်ခက်ခဲတဲ့ အလုပ်တစ်ခုတော့ မဟုတ်တော့ပါ။
tarkarshi.sarko@gmail.com